litt meir om høner
Eirik sine høner er blitt store - truleg over konfirmasjonsalderen,
og det var då på tide å læra dei å sitja på vagle. Med litt
handfast hjelp og fysisk tilrettelegging (hønsa-stige), har alle fem no
skjøna at dei skal inn om kvelden og setja seg på vagle - ein stokk av
raun som Eirik har henta seg i Hundremeterskogen vår (takk til Lars T.
- start nr.61). Hønene er enno for unge til å leggja egg, men
når dei vert verpehøns - då lurar me på om det vil vera rett å
kalla vagle for ein eggstokk ? Svar kan sendast til eirik@hanto.no |
|