Prolog

 til Årsfesten på Kringsjå 1996

(revidert til skiseksa 1997)

Til deg som er Halling, Vossing og Stril

eller nyleg innvandra ekte Tamil

Er du blitt vaksen og grå i håret

med ring rundt magen og stiv i låret

Eller brei over baken og slapp i puppen

ja, då kan du bli med i SuperCupen

 

Når veka er over og sofaen lokkar

riv deg laus og ta på deg sokkar

Lat stovegrisane fyra på peisen

for me skal til fjells med kommune-heisen

Kom ut og ta fri frå skrivebordet

bli med Bjarne B. ifrå Lensmannskontoret.

 

Lat det no ikkje vera med tanken

betal til Gudny i Vekselbanken

Er du redd for at skia ikkje går fort

har dei smøring og voks på Endeve Sport

Du får deg eit nummer hjå Vangen Lirhus

og bremseveske i kjeller'n på Domus

 

Opp med heisen og still i kø

iallefall kjem du hvis det er snø

Både Magnhild og Ragnhild er med på kjøret

Og Gjertrud er den som har beste humøret

"Sjå her kjem ein kar ifrå BHV

- eg kjende deg mest ikkje att med kle" !

 

Og Jernbanefolka rake i ryggen

køyrer som hadde dei bak seg styggen

Dei svingar seg utfor som var det på skinner

og drøymer om topp premierte kvinner

Om damer med høghæla Salomonsko

og om ekstratur med 602

 

Klart for ny løpar - Løpar ut !

Caroline Cafe kjem etter han Knut

Taktisk opplegg - nett som i poker:

"Pass deg Hjalmar, det er grusomme groper"

Kyss meg bak og dra meg i barten

Fuglehaugen har juksa med starten

 

I slalom og fartsrenn er innsatsen stor

med stil ifrå Domus og Teknisk kontor

Problemet er at løypa til Een

ikkje er godkjend i plankomiteen

Det er særleg etter målpassering

at start 63 vil ha ordna parkering

 

Me møter i løypa med motivasjon

amatørar og dei som har stor ambisjon

Til dømes eg og han Ivar Seim:

Eg køyrer "safe" og vil vel-berga heim

men Ivar han satsar, og er best når det gjelder

for han veit at det ikkje er strødd her heller

 

Så, ta med deg koppen og rulletobakken

for me har solbær-saft i bakken

sånn cirka ein fire-fem veker bak jul

med Alfa og Bjarne og Tidemann Gul

Me har vår eigen Sesam Stasjon

På skiseksa sist blei han Ola` kanon

 

Men før me går heim under måne og stjerne

så har eg ei bøn frå den Harde Kjerne:

- Tauser og damer frå seksti til fjorten

ver ekstra forsiktig i siste porten

for i løypene her mellom Bergen og Finse

går SuperMen rundt med stav utan trinse.

 

Ivar Tråstølen

og kva med ein prolog til ?